მადონამ თაყვანისმცემელს კონცერტზე უყვირა

მადონამ თაყვანისმცემელს მისი კონცერტის დროს სიგარეტის მოწევა აუკრძალა. ვარსკვლავი ჩილეში დაგეგმილი კონცერტისთვის სცენაზე ხმას ასწორებდა, როდესაც მისმა ერთ-ერთმა თაყვანისმცემელმა სიგარეტს მოუკიდა.

როდესაც მომღერალმა მწეველი მაყურებელი შენიშნა, გაღიზიანდა. "აქ ვიღაც ეწევა ამ წუთებში. მოწევა აკრძალულია!" - განაცხადა ვარსკვლავმა მკაცრი ტონით.

მადონამ თაყვანისმცემლისგან სიგარეტის ჩაქრობა მოთხოვა, წინააღმდეგ შემთხვევაში, კონცერტის ჩაშლით დაიმუქრა.

"თუ აქ მოწევას აპირებთ, მე არ გამოვალ კონცერტზე, არ ვიმღერებ. მოგიფურთხებიათ ჩემზე? მაშინ მეც მომიფურთხებია თქვენზე" არ ვხუმრობ. არ შემიძლია სიმღერა, როდესაც თქვენ ეწევით. პირდაპირ მე მიყურებთ და თან ეწევით, თითქოს იდიოტი ვიყო", - იყვირა მომღერალმა.

მადონას ამ კატეგორიულმა მოთხოვნამ თაყვანისმცემელი აიძულა, უარი ეთქვა მავნე ჩვევაზე.

მომზადებულია TMZ.com-ის მიხედვით.