ჯენიფერ ლოპესმა და მარკ ენტონიმ ერთად იმღერეს

განქორწინების შემდეგ ჯენიფერ ლოპესი და მარკ ენტონი სცენაზე ერთად პირველად გამოვიდნენ. წყვილმა დუეტი პუერტო-რიკოში, ჯენიფერის მსოფლიო ტურნეს მორიგ კონცერტზე შეასრულა.

მარკმა და ჯენიფერმა სიმღერა No me Ames (Do Not Love Me) შეასრულეს.

ისინი ერთმანეთს 2011 წლის ივლისში დაშორდნენ. როგორც ჩანს, გავრცელებული ხმები იმის შესახებ, რომ გაყრის შემდეგ მომღერლები მეგობრებად დარჩნენ, სიმართლეა. ჯენიფერი და მარკი სცენაზე რამდენიმე წუთის განმავლობაში ხელჩაკიდებულნი იდგნენ, სიმღერის დასასრულს კი ერთმანეთს თბილად ეხუტებოდნენ.

ჯენიფერმა არაერთხელ აღნიშნა ინტერვიუებში რომ მისი და მარკის განქორწინება გარდაუვალი იყო.

მომზადებულია dailymail.co.uk-ის მიხედვით.