რით დაინტერესდა ეკა კახიანი ნოდიკოს კლიპის პრეზენტაციაზე
ნოდიკო ტატიშვილის სიმღერა "მინდა შენთან ვიყო", რომელიც მის ალბომში შევიდა, მაგრამ ტელევიზიაში აქამდე არ გაჟღერებულა, მცირე ხნის წინ ტელემაყურებელმა კლიპის სახით იხილა. ბუკლიკომ ვიდეოს გადაღებიდან ფოტოებიც განახვათ ამ რამდენიმე ნომრის წინ და ერთი-ორი სიტყვითაც მოგითხროთ მის შესახებ. კლიპში რუსა ჩაჩუა, კრისტი ყიფშიძე და ნინა ფოცხიშვილი მონაწილეობენ. სტუდიური კლიპის რეჟისორი ზაზა ორაშვილი გახლავთ.
მცირე ხნის წინ კინო "რუსთაველის" ერთ-ერთ დარბაზში ახალი ვიდეოს სანახავად უამრავი ადამიანი შეიკრიბა, მათ შორის ცნობილი სახეები. ნოდიკოს მეგობრები და კოლეგები შოუბიზნესიდან ინტერესით ელოდნენ ახალი ნამუშევრის წარდგენას. კლიპი სასიამოვნო სანახავი გამოდგა, სანამ მას წარგვიდგენდა, მანამდე ეკა კახიანმა ნოდიკოს რიტორიკული შეკითხვით მიმართა, ვიდეო კი გადაიღე, მაგრამ სად უნდა დაატრიალოო, ნოდიკო არ დაიბნა და უპასუხა, "რუსთავი 2"-ზეო და მართლაც, იმავე დღეს ჯერ "პროფილში" შედგა პრემიერა, შემდეგ კი კლიპი არაერთხელ ვიხილეთ ამ არხზე. ნოდიკოს წარმატებებს და ახალ-ახალ კლიპებს ვუსურვებ.
DJბუკლე
(გამოდის ორშაბათობით)
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
