PlayBoy-ს 86 წლის დამფუძნებელი დაქორწინდა

ჟურნალ PlayBoy-ს დამფუძნებელმა, 86 წლის ჰიუ ჰეფნერმა ცოლად 26 წლის საყვარელი, კრისტალ ჰარისი მოიყვანა. ინტერნეტში უკვე გავრცელდა ქორწილის ფოტოები.

ღონისძიება ჰიუს ფეშენებელურ ვილაში, ახლობლების ვიწრო წრეში გაიმართა. ეს ქორწინება საკმაოდ მოკრძალებულია იმასთან შედარებით, რასაც წყვილი 2011 წელს, პირველი ნიშნობის დროს გეგმავდა. მაშინ კრისტალმა დაქორწინება გადაიფიქრა და წყვილი რამდენიმე თვით ერთმანეთს დაშორდა.

გახარებულმა ახალდაქორწინებულებმა ახალი ამბავი თაყვანისმცემლებს "ტვიტერის" მეშვეობით შეატყობინეს. კრისტალმა კი ყველა სოციალურ ქსელში საკუთარი გვარი, ჰარისი, მეუღლის გვარით, ჰეფნერით შეცვალა.

მომზადებულია spletnik.ru-ს მიხედვით.