მერი-კეიტ ოლსენი და ოლივიე სარკოზი საიდუმლოდ დაინიშნენ

ცნობილი მსახიობი და დიზაინერი მერი-კეიტ ოლსენი და საფრანგეთის ყოფილი პრეზიდენტის, ნიკოლა სარკოზის ძმა, ოლივიე სარკოზი საიდუმლოდ დაინიშნენ, - წერს დასავლური პრესა. მართალია წყვილს შორის 16 წლიანი სხვაობაა, ისინი უკვე ერთი წელია, ერთად არიან. 

26 წლის მერი-კეიტი და 42 წლის ოლივიე სარკოზი ბოლო დროს დიდ დროს ატარებენ პარიზში და ხშირად სტუმრობენ საიუველირო მაღაზიებს. ერთ-ერთი ასეთი გასეირნების დროს, პაპარაცმა მერი-კეიტის ხელზე ბეჭედი შენიშნა. ბეჭედი ბრილიანტის თვლითაა შემკული, თუმცა, არის თუ არა ის ოლივიე სარკოზის ნიშნობის საჩუქარი, უცნობია.

წყვილის ოფიციალური წარმომადგენლები კომენტარს არ აკეთებენ. 

მომზადებულია spletnik.ru-ს მიხედვით.