ჯერი ჰოლიველი რუს ბიზნესმენს ხვდება

გასული წელი Spice Girls-ის წევრისთვის, ჯერი ჰოლიველისთვის საკმაოდ წარმატებული იყო, თუმცა არანაკლებ წარმატებულად დაიწყო მომღერლისთვის 2013-იც. ვარსკვლავს ახალი საყვარელი ჰყავს.

ჯერიმ რომანი რუს ბიზნესმენთან, 39 წლის ანტონ კაზუბოვსკისთან გააბა. პაპარაცებმა წყვილი ერთად რამდენჯერმე გადაიღეს. როგორც მედია იუწყება, ანტონი ბრიტანეთში აზარტული თამაშების ბიზნესშია ჩართული და ლონდონის მაღალ წრეში ტრიალებს.

"ჯერი და ანტონი ერთად უკვე რამდენიმე თვეა არიან. მათ უკვე მოასწრეს რომანტიკული მოგზაურობა რომში. ანტონი ჯერისთვის იდეალური პარტნიორია: მხიარულია, სიმპათიურია, ბევრი მეგობარი ჰყავს და რაც მთავარია, ბევრი ფული აქვს", - აცხადებს ჯერის ახლო მეგობარი.

ვარსკვლავი ადრეც ხვდებოდა რუს ბიზნესმენს ევგენი ლებედევს.

მომზადებულია spletnik.ru-ს მიხედვით.