დათო ხუჯაძე სოლო კონცერტისთვის ემზადება
მოსკოვში მოღვაწე ქართველი მოღერალი დათო ხუჯაძე სოლო კონცერტისთვის ემზადება. უკვე რამდენიმე დღეა დათო ხუჯაძე თბილისშია და საორგანიზაციო საკითხებს აგვარებს.
როგორც "ამბები.გე"-სთან საუბრისას დათო ხუჯაძემ აღნიშნა, სოლო კონცერტი მარტის ბოლოს ან აპრილის დასაწყისში თბილისის დიდ საკონცერტო დარბაზში გაიმართება.
- ინტენსიურად ვემზადები სოლო კონცერტისთვის. მოლაპარაკებებს ვაწარმოებ სპონსორებთან და ვნახოთ, რა გამოვა.
- ალბათ, ძველ სიმღერებსაც შეასრულებთ...
- იქნება ძველი სიმღერებიც და იქნება ახალი კომპოზიციებიც. სცენაზე ბოლომდე უნდა დავიხარჯო.
- მარტო იდგებით სცენაზე?
- მოსკოვში მე ჩემი ჯგუფი მყავს. ისინი კუბელები არიან. ასე რომ, ქართულ-კუბური კონცერტი გამოვა. კარგი განწყობა იქნება.
- როგორც გავიგე, სოლო კონცერტამდე კლუბურ კონცერტსაც გეგმავ თბილისში.
- მართალია, 25 იანვარს კლუბურ კონცერტს გავმართავ ერთ-ერთ ღამის კლუბში. 12 სიმღერას შევასრულებ, როგორც ახალს, ასევე ძველს.
გიორგი ბერიძე
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
