კელი ოსბორნი საიდუმლოდ დაინიშნა

კელი ოსბორნი შობის დღესასწაულამდე საიდუმლოდ დაინიშნა. ოზი ოსბორნის ქალიშვილის რჩეული ვეგეტარიანელი შეფ-მზარეული მეთიუ მოსჰარტია.

"კელი ასეთი ბედნიერი არასოდეს ყოფილა. მისი კარიერა ახლა წარმატების პიკზეა და რაც მთავარია, მას გვერდით არაჩვეულებრივი მამაკაცი ჰყავს, რომელიც მალე მისი მეუღლე გახდება", - განაცხადა წყარომ Us Weekly-თან საუბრისას.

წყვილმა ერთმანეთი ქეით მოსის ქორწილში, 2011 წელს გაიცნო და მას შემდეგ ურთიერთობა არ შეუწყვეტიათ.

მომზადებულია Us Weekly-ის მიხედვით.