პენტაგონში მასშტაბური საკადრო ცვლილებები იგეგმება

პენტაგონში მასშტაბური საკადრო ცვლილებები იგეგმება. ამის შესახებ "ბიბისი" იუწყება. "სიმართლე ითქვას, ეს ყველაზე უარესია, როგორც შეიძლება მოვექცეთ ჩვენს თანამშრომლებს, თუმცა ეს აუცილებელია, რადგან ამით 5 მილიარდს დავზოგავთ", - განაცხადა თავდაცვის მდივნის მოადგილე ეშტონ კარტერმა.

მისივე თქმით, ბიუჯეტის შემცირებასთან დაკავშირებით ასევე იგეგმება სამხედრო-საზღვაო ძალების გემებსა და ობიექტებზე გეგმიური სამუშაოების შეწყვეტა. აპრილიდან კი, სავარაუდოდ, აშშ-ის თავდაცვის სამინისტრო სამოქალაქო პერსონალიდან 800 ათას ადამიანს უხელფასო შვებულებაში გაუშვებს.

პენტაგონის ბიუჯეტი 50 მილიარდი დოლარით შეიკვეცება იმ შემთხვევაში, თუ კონგრესში არ შეთანხმდებიან ალტერნატიულ გეგმაზე.

მომზადებულია bbc.co.uk-ის მიხედვით.