ჯენიფერ ლოურენსს სცენაზე კაბა შემოეხა

ჰოლივუდის მსახიობი, 22 წლის ჯენიფერ ლოურენსი უხერხულ მდგომარეობაში ჩავარდა.

ჯენიფერს კინომსახიობთა გილდიის დაჯილდოების ცერემონიალზე "საუკეთესო მსახიობი ქალის" ტიტული მიანიჭეს. გახარებულ ჯენიფერს მეგობრებმა მიულოცეს, ვარსკვლავმა კოლეგები გულმხურვალედ გადაკოცნა და სცენისკენ გაეშურა, მაგრამ როგორც ჩანს, ვიღაცამ შემთხვევით სკამი ვარსკვლავის გრძელი კაბის ბოლოზე დადო. ყველასთვის მოულოდნელად, ჯენიფერის Christian Dior-ის ძვირადღირებული კაბა დაიხა.

მიუხედავად უხერხული სიტუაციისა, მსახიობმა თავის ხელში აყვანა შეძლო და მომღიმარი სახით გზა განაგრძო. ლამაზმანმა სცენიდან მადლობა კოლეგებს, ოჯახსა და პროდუსერს გადაუხადა.

მომზადებულია dailymail.co.uk-ის მიხედვით.

იხილეთ ვიდეო