კიმ კარდაშიანი ფეხმძიმობამ შეცვალა

ვარსკვლავი კიმ კარდაშიანი საყვარლისგან, რეპერ კენი ვესტისგან შვილს ელოდება. პაპარაცებმა ფეხმძიმე კარდაშიანს კალიფორნიაში ფოტოსურათები გადაუღეს. ვარსკვლავს შავ-თეთრი კაბა ეცვა და მუცელიც ეტყობოდა.

"კარგად ვარ. ვერაფერს ვგრძნობ, ფეხმძიმობისას განსაკუთრებული სურვილები არ გამჩენია. ახლა უფრო მშვიდად მძინავს. ვფიქრობ, ასე კარგად არასდროს მძინებია. აუცილებლად გავარკვევ ბავშვის სქესს. ყველაზე დიდი ბედნიერება ოჯახია", - განუცხადა კარდაშიანმა ვებსაიტ celebritybabyscoop.com-ის ჟურნალისტს.

ტელეწამყვანმა ჟურნალ Du Jour-ს რამდენიმე დღის წინ ინტერვიუ მისცა და განაცხადა, რომ დედობაზე ყოველთვის ოცნებობდა.

"ერთი სული მქონდა, როდის დავფეხმძიმდებოდი, ვინაიდან დარწმუნებული ვიყავი, რომ ყველაფერს შევჭამდი, რაც მომინდებოდა. რა თქმა უნდა, ახლა ყველაფერი ისე არაა, როგორც მე წარმომედგინა. ვცდილობ, რაც შეიძლება სწორად და ჯანსაღად ვიკვებო", - განაცხადა მან.

კარდაშიანი კოლეგებისგან ყოველთვის გამოირჩეოდა არასტანდარტული ჰოლივუდური გარეგნობით. დიდ უკანალსა და ფართო თეძოებს სპორტდარბაზში ებრძვის. ერთ-ერთ ინტერვიუში კი დაიჩივლა, რომ დიდი მკერდის გამო უფრო მსუქანი ჩანს.

მომზადებულია celebritybabyscoop.com-ის მიხედვით.