იტალიაში საპარლამენტო არჩევნები მიმდინარეობს

იტალიაში საპარლამენტო არჩევნები მიმდინარეობს. უცხოური მედიის ინფორმაციით, საარჩევნო უბნები ქვეყნის მასშტაბით დილის 08:00 საათზე გაიხსნა.

იტალიაში 50 მილიონი ამომრჩეველია რეგისტრირებული, ხოლო სულ გახსნილია 60 ათასი საარჩევნო უბანი.

ადგილობრივი კანონმდებლობის მიხედვით, არჩევნები ორი დღის განმავლობაში ჩატარდება. საპარლამენტო არჩევნებში გამარჯვებული პარტია იტალიის ახალი მთავრობის ფორმირებას მოახდენს.

მომზადებულია bbc.co.uk-ის მიხედვით.