კიმ კეტროლს საპატიო პრიზი გადასცეს

ცნობილი მსახიობი კიმ კეტროლი კანადის კინოსა და ტელევიზიის აკადემიის დაჯილდოების ლაურეატი გახდა. წარმოშობით ინგლისელ და კანადელ ვარსკვლავს კანადის კინოდაჯილდოვების საპატიო პრემია, ტელევიზიასა და მხატვრულ ფილმებში შეტანილი წვლილისთვის გადაეცა.

დაჯილდოების ცერემონიაზე კიმ კეტროლი ჯონ გალიანოს დიზაინით შექმნილი კაბით გამოცხადდა.

კიმ კეტროლი 1956 წლის 21 აგვისტოს დაიბადა. ვარსკვლავმა პოპულარობა სერიალ "სექსი დიდ ქალაქში" თამაშის შემდეგ მოიპოვა, სადაც ტემპერამენტიანი ქალბატონის, სამანტა ჯონსის როლი შეასრულა. ამ როლისთვის კიმ კეტროლმა 2002 წელს "ოქროს გლობუსიც" მიიღო.

მომზადებულია usmagazine.com-ის მიხედვით.