პაკისტანში მანქანის აფეთქების შედეგად 12 ადამიანი გარდაიცვალა

პაკისტანის ქალაქ პეშავარში მომხდარ მანქანის აფეთქებას 12 ადამიანი ემსხვერპლა, 30 კი დაშავდა. ამის შესახებ "ბიბისი" იუწყება.

გამოცემის ინფორმაციით, შემთხვევა ლტოლვილთა ბანაკში მოხდა, როცა ქალაქის ადმინისტრაციის წარმომადგენლები იძულებით გადაადგილებულ პირებს საჭმელს ურიგებდნენ.

ჯერჯერობით, მომხდარზე პასუხისმგებლობა არც ერთ მხარეს არ აუღია.

მომზადებულია bbc.co.uk-ის მიხედვით.