შოტლანდიაში დიდი ბრიტანეთიდან გამოსვლის შესახებ რეფერენდუმი დანიშნეს

რეფერენდუმი შოტლანდიის დიდი ბრიტანეთის შემადგენლობიდან გამოსვლის შესახებ 2014 წლის 18 სექტემბერს გაიმართება. ამის შესახებ შოტლანდიის პრემიერ-მინისტრმა ალექს სალმონდმა განაცხადა.

ოთხშაბათს შოტლანდიის პარლამენტში რეფერენდუმის შესახებ კანონპროექტი შეიტანეს. კითხვა, რომელზეც შოტლანდიის მაცხოვრებლებს მოუწევთ პასუხის გაცემა, ასე ჟღერს: "უნდა იყოს თუ არა შოტლანდია დამოუკიდებელი ქვეყანა?"

ადრე, ადგილობრივმა მთავრობამ რეფერენდუმის დადებითი შედეგის შემთხვევაში, დამოუკიდებლობაზე გადასვლის გეგმა წარმოადგინა.

მომზადებულია newsme.com.ua-ს მიხედვით.