ღორის გრიპის ვაქცინამ ბავშვები ზომბებად აქცია

ღორის გრიპის საწინააღმდეგო ვაქცინამ ბრიტანელი ბავშვები ზომბებად აქცია - ასეთ დასკვნამდე ექიმები მივიდნენ. ბავშვთა ჯგუფს იშვიათი დაავადება - ნარკოლეფსია აღმოაჩდათ, რომლის გამოც პატარებს შეუძლიათ 19 საათი იძინონ.

როგორც გამოცემა Daily Mail-ი ტყობინება, კაროლინა ჰედფილდი მიხვდა, რომ მის 5 წლის ვაჟს, ჯოშს რაღაც წესრიგში არ ჰქონდა: აქტიური და მოძრავი ბავშვი უეცრად მძინარა და უენერგიო გახდა. იმის დადგენა, თუ რეალურად რა დაემართა ჯოშს, მშობელმა მხოლოდ რამდენიმე თვის შემდეგ შეძლო.

შემდეგმა კვლევებმა აჩვენა: ბიჭი იმ ბავშვთა რიცხვს მიეკუთვნება, ვისაც ღორის გრიპის საწინააღმდეგო ვაქცინა გაუკეთეს. სხვა ბავშვებსაც ჯოშის მსგავსად ძილის დარღვევა აღენიშნებათ.

რობინ ბალინგემს, რომელიც ახლა 7 წლისაა ვაქცინა 2011 წელს გაუკეთეს. ვაქცინაციიდან რამდენიმე კვირის შემდეგ მასაც აერია ძილის რეჟიმი, შემდეგ კი კატალეფსიის პირველი შეტევაც დაუფიქსირდა.

ასეთივე პრობლემა შეექმნა 8 წლის ბიჭს კენტის საგრაფოდან. მას აცრა 2010 წელს გაუკეთდა.

ნარკოლეფსია - ნერვული აშლილობაა, რომელიც ტვინში იმ მექანიზმების დარღვევითაა გამოწვეული, რომლებიც სიფხიზლეზე აგებენ პასუხს. ამ დროისთვის უკვე დადგენილია 11 სავარაუდო მსხვერპლი, რომლებიც დაზარალდნენ ღორის გრიპის საწინააღმდეგო აცრის შედეგად. ინგლისში ასეთი ვაქცინაცია 5 წლამდე ასაკის ბავშვების დაახლოებით მეოთხედს ჩაუტარდა.

მომზადებულია Вести.Ру-ს მიხედვით.