ჯენიფერ ლოურენსი ბრედლი კუპერის საყვარელს არ სწყალობს

ჰოლივუდის მსახიობები - ჯენიფერ ლოურენსი და ბრედლი კუპერი კარგი მეგობრები არიან. ჯენიფერისა და ბრედლის ურთიერთობაში სრული ჰარმონია სუფევდა, ვიდრე ასპარეზზე კუპერის ახალი საყვარელი, 20 წლის ბრიტანელი მოდელი სუკი უოტერჰაუსთი არ გამოჩნდა.

ჯენიფერი მეგობრის საყვარლით ისეა გაღიზიანებული, რომ ბრედლი ყველანაირად ცდილობს, სუკი და ლოურენსი ერთმანეთს არ შეხვდნენ. ჯენიფერი ეჭვიანობს, რომ ბრედლი თავისუფალ დროს საყვარელთან ატარებს და მეგობართან ადრინდელივით აღარ ერთობა.

დასავლურ პრესაში ვრცელდება ინფორმაცია, რომ კუპერი ახალ საყვარელთან თავს კომფორტულად ვერ გრძნობს. ჭორები პარიზში პაპარაცების მიერ გადაღებულმა ფოტომაც გაამყარა, სიყვარულის ქალაქში მოსეირნე წყვილი ერთმანეთს არ ელაპარაკებოდა, ხოლო ბრედლის მოწყენილი სახე ჰქონდა.

მომზადებულია showbizspy.com-ის მიხედვით.