ჯენიფერ ენისტონმა საკუთარი ქორწილი ბრედ პიტის გამო გადადო

მომავალი საქორწინო ცერემონიის ფორმატთან დაკავშირებით უთანხმოება ერთადერთი მიზეზი არ აღმოჩნდა, რის გამოც ჰოლივუდის ვარსკვლავმა ჯენიფერ ენისტონმა და ჯასტინ ტერუმ შეუღლების თარიღი გადადეს. წყვილის ქორწილი მაისში უნდა გამართულიყო. ShowbizSpy-ის წყაროს ინფორმაციით, ენისტონი შიშობს, რომ მისი ქორწილი ყოფილი ქმრის, ბრედ პიტისა და ანჯელინა ჯოლის ქორწილს დაემთხვევა.

"ჯენიფერს არ სურს, რომ მისთვის უმნიშვნელოვანესი დღე მათთან ასოცირდებოდეს", - ამბობს წყარო.

მას შემდეგ, რაც ენისტონმა პიტის გეგმების შესახებ შეიტყო, ქორწინების თარიღი შეცვალა და მოვლენების დაჩქარება სცადა, თუმცა ამით უკმაყოფილო დარჩა ტერუ და საცოლეს გადაწყვეტილება შეაცვლევინა. ამიტომ მსახიობმა პაუზის აღება არჩია.

"მან მთელი სამზადისი შეწყვიტა და ერთი თვის განმავლობაში აქტიური მოქმედებისგან თავს შეიკავებს", - განაცხადა წყარომ.

მომზადებულია ShowbizSpy-ის მიხედვით.