მაილი საირუსი ჟურნალმა Maxim-მა ყველაზე სექსუალურ ქალად დაასახელა

მამაკაცების ჟურნალმა Maxim-მა 100 ყველაზე სექსუალური ქალი გამოავლინა. სიის სათავეში მომღერალი და მსახიობი მაილი საირუსია.

20 წლის ვარსკვლავი ახალმა ამბავმა ისე გაახარა, რომ ამ ფაქტს ”ტვიტერშიც” გამოეხმაურა. მაილიმ აღნიშნა, რომ ძალიან ბედნიერია, ვინაიდან Maxim-ის HOT-100-ის პირველი ადგილი დაიკავა.

როგორც ჩანს, მაილის იმიჯის ცვლილება საკმაოდ წარმატებული აღმოჩნდა. მომღერალმა თმა მოკლედ შეიჭრა და წონაშიც საგრძნობლად დაიკლო, ხოლო მისი სამოსი სულ უფრო მოკლდება. ამის შემდეგ მაილი სულ უფრო ხშირად ჩნდება ჟურნალების გარეკანებსა და თამამ ფოტოსესიებში.

Maxim HOT-100-ის სიაში ასევე მოხვდნენ ბიონსე, ტეილორ სვიფტი, კეტი პერი და დემი ლოვატო.

მომზადებულია Maxim-ის მიხედვით.