ეშტონ კატჩერი და მილა კუნისი ცეკვას სწავლობენ

ეშტონ კატჩერი და მილა კუნისი ცეკვის გაკვეთილებზე დადიან. იდეა წყვილს დევიდ ო’რასელის ფილმის - "ჩემი შეყვარებული შეშლილია", ყურების შემდეგ გაუჩნდათ. მსახიობებმა ცეკვის მასწავლებელიც დაიქირავეს, რომელიც გაკვეთილებს ეშტონის სახლში ატარებს.

"ეშტონს და მილას ძალიან მოეწონათ ფილმში შესრულებული ცეკვა. სწორედ ამიტომ დაიწყეს სამეჯლისო ცეკვების შესწავლა და ამან მართლაც გაამრავალფეროვნა და გადაახალისა მათი ინტიმური ცხოვრება", - განუცხადა წყარომ National Enquirer-ს.

35 წლის კატჩერი იმდენად გაიტაცა ცეკვამ, რომ გადაწყვიტა ის კარიერაშიც გამოიყენოს.

მომზადებულია National Enquirer-ის მიხედვით.