ტომ კრუზის 7 წლის შვილი დიზაინერი ხდება

ტომ კრუზის და კეტი ჰოლმსის შვიდი წლის ქალიშვილი, სური უკვე დიზაინერია. გოგონამ 2 მლნ დოლარიან კონტრაქტს მოაწერა ხელი. მის დიზაინერულ ხაზს "სური" ერქმევა.

მაშინ, როცა მისი თანატოლები სამოსს ბარბის თოჯინებისთვის არჩევენ, სური თავად წყვეტს, რა ჩაიცვას, რჩევებს აძლევს დედას და ახლა უკვე საკუთარ დიზაინერულ ხაზსაც უხელმძღვანელებს.

კონტრაქტის მიხედვით, სურის დიზაინით შექმნილი სამოსი ამერიკის მაღაზიებში შემოდგომაზე გამოჩნდება. მოდის კრიტიკოსები ბრენდ Suri-ს წარმატებას უწინასწარმეტყველებენ, ვინაიდან სური უკვე დიდი ხანია პატარა თაობისთვის მისაბაძად ითვლება.

თუ იდეამ გაამართლა, მომავალ წელს სური სამოსს ბიჭებისთვისაც შექმნის. 

მომზადებულია The Sun-ის მიხედვით.