ჯენიფერ ენისტონს ჯასტინ ტერუ მობეზრდა?

ჯენიფერ ენისტონის და ჯასტინ ტერუს ქორწილი, რომელსაც თაყვანისმცემლები უკვე დიდი ხანია ელიან, შეიძლება არ შედგეს. როგორც ჟურნალ Star-ი წერს, მსახიობებმა ნიშნობის გაუქმება გადაწყვიტეს. ამის მიზეზი გასული კვირის ბოლოს Soho House-ში მომხდარი ინციდენტია.

"ენისტონი და ტერუ ერთად იყვნენ, როდესაც მათ მაგიდას ჯენიფერის ყოფილი ბოიფრენდი,  ჯერარდ ბატლერი მიუახლოვდა. ჯასტინი ამ ფაქტმა გააცოფა. მან ჯენიფერს განუცხადა, რომ მთელი საღამო თავს ზედმეტად გრძნობდა, სანამ ჯენიფერი ყოფილ საყვარელს ეფლირტავებოდა. ენისტონი ამ საუბრის შემდეგ ატირდა", - აცხადებს წყარო.

დასავლურ მედიაში ვარაუდობენ, რომ ეს მხოლოდ ჭორებია და ჯენიფერი და ჯასტინი მაინც იქორწინებენ. ამასთან, ეს ქორწილი ორივეს კარიერისთვის მომგებიანი ნაბიჯია. გარდა ამისა, ბალტერი ცნობილი მექალთანეა, რომელიც ჯენიფერთან და ტერუსთან უკვე დიდი ხანია მეგობრობს.

მომზადებულია Star-ის მიხედვით.