კიმ კარდაშიანს ჟურნალი "ფლეიბოი" გაშიშვლებას სთავაზობს

პოპულარულ ტელევარსკვლავს, კიმ კარდაშიანს ჟურნალ "ფლეიბოის" რედაქცია გაშიშვლებას სთავაზობს.

Playboy-ში ფიქრობენ, რომ მაღალი რეიტინგისთვის ახალნამშობიარევი კიმი ნამდვილი მისწრებაა. მათ სხვა გამოცემებთან ჭიდილი და კარდაშიანთან შეთანხმება უკვე დაიწყეს. როგორც ჟურნალისტებთან საუბარში წყარო ამბობს, რედაქცია არც რეკორდულად მაღალი ჰონორარის შეთავაზებაზე დაიხევს უკან.

კარდაშიანი "ფლეიბოის" გარეკანზე პირველად 2007 წელს გამოჩნდა. დედის, კრის ჯენერის დაჟინებული მოთხოვნით კიმი მთლიანად გაშიშვლდა. თუმცა, ინტერვიუებში კარდაშიანი აცხადებდა, რომ ასეთი დისკომფორტი ცხოვრებაში არასდროს უგრძვნია.

უცნობია, რა ოდენობის თანხას შესთავაზებენ კარდაშიანს - მსახიობ ლინდსი ლოჰანს გაშიშვლებისთვის მილიონი დოლარი გადაუხადეს.

მომზადებულია showbizspy.com-ის მიხედვით.