მარკ ჯეიკობსი Louis Vuitton-დან მიდის

დიზაინერი მარკ ჯეიკობსი უკვე 16 წელია ბრენდ Louis Vuitton-ს ხელმძღვანელობს, თუმცა გავრცელებული ხმების თანახმად, მარკმა გადაწყვიტა, თანამდებობა დატოვოს.

ჯეიკობსის კონტრაქტი LVMH-თან 2014 წელს სრულდება. წყაროს ცნობით, დიზაინერი და მისი პარტნიორი რობერტ დეფი, ხელშეკრულების გაგრძელებას არ აპირებენ. თუ ჯეიკობსი Louis Vuitton-ს მართლაც დატოვებს, მის ადგილს ნიკოლა გესკერი დაიკავებს.

არსებობს რამდენიმე ვერსია, რის გამოც მარკმა მოდის სახლის დატოვება გადაწყვიტა. ერთ-ერთი მიზეზით, მარკი დაიღალა. დიზაინერი 12 წელი შეუსვენებლად მუშაობს პარიზსა და ნიუ-იორკში. ხშირად უწევს საქმიანი ვიზიტები, წელიწადში 12 კოლექციას ქმნის და ამასთან, უკვე 50 წლისაა. ამიტომ, მარკ ჯეიკობსი თვლის, რომ დასვენება დაიმსახურა.

მეორე მიზეზი კი ისაა, რომ მას სურს, მეტი დრო დაუთმოს საკუთარ ბიზნესს.

მომზადებულია popcornnews.ru-ს მიხედვით.