ვიქტორია ბექჰემი ფეხსაცმელების საუკეთესო კოლექციას ფლობს

დიზაინერი ვიქტორია ბექჰემი მაღალქუსლიანი ფეხსაცმელების საუკეთესო კოლექციის მფლობელ ქალბატონად დაასახელეს. შესაბამისი გამოკითხვა დიდ ბრიტანეთში ჩატარდა. გამოკითხვაში ათასობით ქალმა მიიღო მონაწილეობა. რესპონდენტთა 43%-მა განაცხადა, რომ 10-50 წყვილი მაღალქუსლიანი ფეხსაცმელი აქვს. გამოკითხულთა 50% 5-10 წყვილ ფეხსაცმელს ფლობს, ხოლო 15% აღიარებს, რომ იმდენი ფეხსაცმლი აქვს, უკვე სათვალავიც კი აერია.

რეიტინგში დიზაინერმა უკან ჩამოიტოვა ჰოლივუდის ვარსკვლავი, სტილის ხატად აღიარებული სარა ჯესიკა პარკერი და ბრიტანელი მომღერალი რიტა ორა.

სიაში რიტა ორას შემდეგ პოპ-ვარსკვლავი ჯენიფერ ლოპესი და კემბრიჯის ჰერცოგინია ქეით მიდლტონი მოდიან. მეექვსე ადგილზე მომღერალი გვენ სტეფანი აღმოჩნდა. მოდელ კელი ბრუკს მეშვიდე ადგილი ხვდა წილად. ტოპ-ათეულის ბოლო სამი ადგილი მირანდა კერიმ (მოდელი), ტეილორ სვიფტმა (მომღერალი) და ემა უოთსონმა (მსახიობი) გადაინაწილეს.

გამოკითხვის შედეგებით, რესპონდენტთა უმრავლესობა ფეხსაცმელზე საშუალოდ 50 გირვანქა სტერლინგს ხარჯავს, ქალბატონთა მესამედი 50-100 გირვანქა სტერლინგს, ხოლო 11% ფეხსაცმელში 100 გირვანქა სტერლინგზე მეტს იხდის.

მომზადებულია dailymail.co.uk-ის მიხედვით.