საფრანგეთში ლუი დე ფიუნესის მუზეუმი გაიხსნა

საფრანგეთში, კომუნა სელეში ცნობილი კომიკოსის, ლუი დე ფიუნესის მუზეუმი გახსნეს. გახსნის ცერემონია კინომსახიობის გარდაცვალებიდან 30 წლის შემდეგ გაიმართა.

ცნობილი კომიკოსი სამხრეთ-აღმოსავლეთ საფრანგეთში, სოფელ სელესთან შორიახლოს, მამულ შატო დე კლერმონში ცხოვრობდა. იქ იგი ბაღს უვლიდა და ხშირად თევზაობდა.

ყოველ ორ თვეში მუზეუმში ფიუნესის მონაწილეობით საკულტო ფილმების ჩვენება გაიმართება. თაყვანისმცემლებს მის საყვარელ ადგილებში გასეირნებაც შეუძლიათ. ექსკურსიის მარშრუტს "ლუის კვალდაკვალ" ჰქვია.

მომზადებულია focus.ua-ს მიხედვით.