კიმ ჩენ უნი უცხოურ მედიასთან ინტერვიუში 1 მლნ დოლარს მოითხოვს

ჩრდილოეთ კორეის ლიდერი კიმ ჩენ უნი მზადაა, უცხოურ მედიას ინტერვიუ 1 მლნ დოლარის სანაცვლოდ მისცეს. ამის შესახებ სამხრეთ კორეული გაზეთი The Chosun Ilbo-ი საკუთარ წყაროზე დაყრდნობით წერს.

"ჩრდილოეთ კორეის ლიდერი კიმ ჩენ უნი უზარმაზარ ჰონორარს მოითხოვს, თუ უცხოური პრესა შერიგების 60 წლისთავთან დაკავშირებით (27 ივლისი), რომელმაც 1950-1953 წლების კორეის ომს წერტილი დაუსვა, მასთან ინტერვიუს ჩაწერს",-განაცხადა წყარომ და დასძინა, რომ ჰონორარმა შესაძლოა 1 მლნ დოლარი შეადგინოს.

გაზეთი აღნიშნავს, რომ ორი კორეის დაზავებას მიძღვნილ ღონისძიებაზე, ჩრდილოეთ კორეამ ათობით უცხოელი ჟურნალისტი მიიწვია. მათ შორის Associated Press, BBC და Kyodo News.

შეგახსენებთ, 51 წლის კალათბურთელი დენის როდმანი კალათბურთის გუნდ "ჰარლემ გლობტროტერსის" მოთამაშეებთან და გადამღებ ჯგუფთან ერთად მარტის დასაწყისში ჩრდილოეთ კორეაში იმყოფებოდა. ისინი პირველი ამერიკელები არიან, რომლებიც კიმ ჩენ უნმა ქვეყნის ლიდერის რანგში მიიღო.

მომზადებულია The Chosun Ilbo-ოს მიხედვით.