ამერიკელმა სენატორებმა ანტირუსული სანქციების სია შეადგინეს

საქართველოს ნატოში გაწევრიანება, მაგნიტსკის სიის გაზრდა და ევროპაში რაკეტსაწინააღმდეგო სისტემების განლაგება - ეს ის საკითხებია, რომლებიც სენატორებმა ჯონ მაკკეინმა და ლინდსი გრემმა ედუარდ სნოუდენის სკანდალის საპასუხოდ შესთავაზეს აშშ-ის ხელისუფლებას.

"აშშ-ის ხელისუფლებამ სიმბოლური ჟესტებიდან უნდა გადაუხვიოს და მიიღოს ზომები, რომელიც აუცილებელია რუსეთთან ურთიერთობაში უფრო რეალისტური მიდგომის შესამუშავებლად", - ნათქვამია მაკკეინის ოფიციალურ საიტზე გამოქვეყნებულ ტექსტში.

სენატორებმა რუსეთის პოლიტიკა კიდევ ერთხელ გააკრიტიკეს და მხარი დაუჭირეს აშშ-ის პრეზიდენტის, ბარაკ ობამას გადაწყვეტილებას პუტინთან შეხვედრის გაუქმების თაობაზე. თეთრი სახლის დემარში იმით არის გამოწვეული, რომ რუსეთმა დროებითი თავშესაფარი მისცა ედუარდ სნოუდენს.

სპეცსამსახურების თანამშრომლის, ედვარდ სნოუდენის წინააღმდეგ სისხლის სამართლის საქმე მას შემდეგ აღიძრა, რაც მან ამერიკულ პრესას სოციალურ ქსელებში FBI-სა და NSA/CSS-ს თამაშრომელთა მიერ სხვა ქვეყნების მოქალაქეთა მასობრივი თვალთვალის შესახებ მასალები მიაწოდა.

mccain.senate.gov