კევინ ფედერლაინი კვლავ ქორწინდება

მომღერალი და ბრიტნი სპირსის ყოფილი ქმარი კევინ ფედერლაინი ცოლს ირთავს. ფედერლაინს სპირსთან ორი ვაჟი ჰყავს. იგი ახალ შეყვარებულთან, ფრენბურთის მოთამაშე ვიქტორია პრინსთან 5 წელია ცხოვრობს. ვიქტორიამ ორი წლის წინ მას ქალიშვილი ჯორდანი გაუჩინა. ამგვარად ფედერლაინი ხუთი შვილის მამა გახდა: კიდევ ორი შვილი მას მსახიობ შარ ჯექსონთან ჰყავს.

პარასკევს კევინმა და ვიქტორიამ ლას-ვეგასში ქორწინების ლიცენზია აიღეს. წყვილი დაქორწინებას უახლოეს მომავალში აპირებს.

მომზადებულია People-ის მიხედვით.