მანოლო ბლანიკს სახლში 30 000 წყვილი ფეხსაცმელი აქვს

დიზაინერი მანოლო ბლანიკი სახლში 25 დან 30 000-მდე წყვილ ფეხსაცმელს ინახავს. ამის შესახებ მან ერთ-ერთ ბოლო ინტერვიუში განაცხადა. "მე სახლში კი არა, ფეხსაცმელების მუზეუმში ვცხოვრობ, უკეთესი იქნება ვთქვა, ფეხსაცმელების მავზოლეუმში", - განაცხადა დიზაინერმა.

ინტერვიუში დიზაინერი ამბობს, რომ ვერ იტანს პოპულარობას და არ ფიქრობს ფულზე. "მიყვარს მუშაობა და არ მაქვს არანაირი პირადი ცხოვრება! ჩემი თაობის ადამიანები არ ფიქრობენ ფულზე. მიმაჩნია, რომ ადამიანმა ყველაფერი სიამოვნებისთვის უნდა აკეთოს. შეიძლება მე შეშლილი ვარ", - ამბობს დიზაინერი.

მანოლო ბლანიკს ლონდონში ორი სახლი აქვს.

მომზადებულია cosmo.ru-ს მიხედვით.