რუსეთის პრეზიდენტი ვლადიმერ პუტინი არ გამორიცხავს 2018 წლის საპრეზიდენტო არჩევნებში მეოთხე ვადით კენჭისყრას. ამის შესახებ "ბიბისი" იუწყება. "მონაწილეობას საპრეზიდენტო არჩევნებში არ გამოვრიცხავ, თუმცა ამაზე საუბარი ჯერ ნაადრევია", - განაცხადა რუსეთის პრეზიდენტმა საერთაშორისო სადისკუსიო კლუბ "ვალდაის" შეხვედრაზე.
ამავე შეხვედრაზე პუტინმა სირიის საკითხზე ისაუბრა და აღნიშნა, რომ არ აქვს იმის გარანტიები, რომ სირიის ხელისუფლება სრულად შეასრულებს ქიმიური იარაღის განადგურების თაობაზე დადებული ხელშეკრულების პირობებს.
"100 პროცენტით ვერ ვიტყვი, ყველაფერი ბოლომდე მივა თუ არა. მაგრამ მოვლენების ბოლოდროინდელი განვითარება იძლევა იმის რწმენას, რომ ხელშეკრულებით გათვალისწინებული პირობები შესრულდება", - აღნიშნა პუტინმა.
სადისკუსიო კლუბ "ვალდაის" შეხვედრები რუსეთში 2004 წლიდან იმართება. მასში მონაწილეობას იღებენ პოლიტიკოსები, ჟურნალისტები, პოლიტილოგები და მეცნიერები.
მომზადებულია bbc.co.uk-ის მიხედვით.