ბრენდმა GIZI-მ გრანდიოზული ჩვენება მოაწყო

ბრენდმა GIZI-მ ქართული მოდის სფეროში მოღვაწეობა გრანდიოზული ჩვენებით დაიწყო. ახალი ქართული ბრენდის საპრეზენტაციო ჩვენება "მათე მოტორსის" პავილიონში გაიმართა. ბრენდმა საზოგადოებას განსხვავებული და საინტერესო კოლექცია ცოცხალი ორკესტრისა და აკაპელას აკომპანიმენტით წარუდგინა.

კოსტიუმები ტყავით, ბეწვით, თექით და ხელნაკეთი აქსესუარებით იყო გაწყობილი. ჩვენება ორ ფერში (თეთრი და შავი) იყო გადაწყვეტილი.

ბრენდის დამფუძნებლები "ვალენტინოს" ექსკლუზიური წარმომადგენელი საქართველოში გიზი ჭავჭანიძე და ალექსანდრ ვოლკოვი არიან. კოლექცია ოთხი სამოდელო სააგენტოს - "ჯეო მოდელსის", "ნატალის", "შარმის" და "ლუქს-მოდელსის" მოდელებმა წარადგინეს.

გიორგი ბერიძე

იხილეთ ფოტოგალერეა