ჰიუ ჯეკმანმა დაბადების დღეზე 2 მლნ შეაგროვა

ავსტრალიელმა მსახიობმა ჰიუ ჯეკმანმა საკუთარი დაბადების დღე საქველმოქმედო საღამოდ აქცია. მსახიობმა ლოს-ანჯელესის The Dolby Theatre-ში 4500 სტუმარი შეკრიბა და საქველმოქმედო კონცერტი გამართა სახელწოდებით - One Night Only.

სტუმრებს შესასვლელ ბილეთში 100-დან 1000 დოლარამდე თანხა უნდა გადაეხადათ. სცენაზე კი მსახიობი ცეკვავდა, მღეროდა და ისტორიებს ყვებოდა. ვარსკვლავ სტუმრებს შორის იყვნენ დიზაინერი დაიან ფონ ფურშტენბერგი, მსახიობი კრისტენ დევისი და სხვა.

შედეგად, ჯეკმანის მიერ მოწყობილ ღონისძიებაზე 2 მლნ დოლარი მოგროვდა. აღნიშნული თანხა ფონდ The Motion Picture & Television Fund-ში გადაირიცხება, რომელიც გასართობ ინდუსტრიაში დაკავებულთა ჯანდაცვაზე ზრუნავს.

მომზადებულია spletnik.ru-ს მიხედვით