"ნიჭიერის" ყველაზე სარისკო და შთამბეჭდავი მონაწილეები: "მა­ყუ­რე­ბე­ლი უფ­რო მა­გარ შოკს მი­ი­ღებს"

ერ­თ-ერ­თი ყვე­ლა­ზე რე­ი­ტინ­გუ­ლი ტე­ლე­შოუ "ნი­ჭი­ე­რი" ჯერ კი­დევ არ იყო ეთერ­ში გა­სუ­ლი, როცა ინ­ტერ­ნეტ­სივ­რცე­ში ამ შო­უს ფა­ვო­რი­ტი და გა­მარ­ჯვე­ბის პრე­ტენ­დენ­ტი ნომ­რე­ბის შე­სა­ხებ ინ­ფორ­მა­ცია გავ­რცელ­და. ერ­თ-ერთ სა­უ­კე­თე­სო და შო­კის მომ­გვრელ ნომ­რად ჟი­უ­რიმ ჰა­ერ­ში მფრი­ნა­ვი ჯგუფ "K2"-ის წევ­რე­ბის გა­მოს­ვლა და­ა­სა­ხე­ლა. "ყვე­ლა სი­ახ­ლე" ამ სა­რის­კო და შთამ­ბეჭ­და­ვი სა­ჰა­ე­რო შო­უს ერ­თ-ერთ მო­ნა­წი­ლეს, ჯგუფ "K2"-ის წევრ ანი ცინ­ცა­ძეს ესა­უბ­რა. აღ­სა­ნიშ­ნა­ვი­ა, რომ ანიმ მა­ნამ­დე ქარ­თველ მა­ყუ­რე­ბელს თა­ვი გა­აც­ნო რო­გორც პირ­ველ­მა თა­ნა­მედ­რო­ვე "ა­მორ­ძალ­მა" - მო­ფა­რი­კა­ვე გო­გო­ნა ქარ­თუ­ლი საბ­რძო­ლო ხე­ლოვ­ნე­ბის ფე­დე­რა­ცია "შავ­ფა­როს­ნე­ბის" წევ­რი­ცაა და ქარ­თველ მა­ყუ­რე­ბელს თა­ვი­სი საბ­რძო­ლო ოს­ტა­ტო­ბით აო­ცებს.

-  ანი, რო­გორ გაჩ­ნდა "K2"-ის შექ­მნის იდეა და რო­გორ მოხ­ვდი ამ ჯგუფ­ში?

-  ვიდ­რე "შავ­ფა­რო­სა­ნი" გავ­ხდე­ბო­დი, წლე­ბის გან­მავ­ლო­ბა­ში "მოძ­რა­ო­ბის თე­ატ­რის" მსა­ხი­ო­ბი ვი­ყა­ვი. ახ­ლაც იქ ვმუ­შა­ობ. "K2"-შიც სწო­რედ ამ თე­ატ­რი­დან მო­ვე­დი. "K2" ესაა ექ­სტრე­მა­ლუ­რი კლუ­ბი, რო­მელ­საც გი­ორ­გი კო­მა­ხი­ძე ხელ­მძღვა­ნე­ლობს. კლუ­ბი 20-ზე მე­ტი სა­ხე­ო­ბის ექ­სტრე­მა­ლუ­რი სპორ­ტის ტუ­რებს ახორ­ცი­ე­ლებს და ჩემს თე­ატ­რთა­ნაც თა­ნამ­შრომ­ლობს. კარ­გა ხა­ნი­ა, მა­თი სა­ჰა­ე­რო შო­უ­ე­ბის დად­გმა­ში ვმო­ნა­წი­ლე­ობ. არა­ერთ ღო­ნის­ძი­ე­ბა­ზე გა­მოვ­დი­ვართ და მა­ყუ­რე­ბელს ისეთ ნომ­რებს ვთა­ვა­ზობთ, რაც მა­ნამ­დე სა­ქარ­თვე­ლო­ში არა­ვის გა­უ­კე­თე­ბი­ა. ახ­ლა კი პრო­ექტ "ნი­ჭი­ე­რის" სა­შუ­ა­ლე­ბით ერ­თ-ერ­თი ნო­მე­რი წარ­ვუდ­გინეთ ქარ­თველ მა­ყუ­რე­ბელს.

-  შო­უს­თვის დიდ­ხანს ემ­ზა­დე­ბო­დით?

-  დი­ახ, მომ­ზა­დე­ბის პე­რი­ო­დი საკ­მა­ოდ შრო­მა­ტე­ვა­დი­ა, გა­დამ­წყვე­ტი მნიშ­ვნე­ლო­ბა სი­ზუს­ტეს ენი­ჭე­ბა, პა­ტა­რა შეც­დო­მაც და, შე­საძ­ლოა კა­ტას­ტრო­ფუ­ლი შე­დე­გი მი­ი­ღო. თა­ნაც, გვინ­დო­და, ნო­მე­რი რაც შე­იძ­ლე­ბა პრო­ფე­სი­ო­ნა­ლუ­რად შეგ­ვეს­რუ­ლე­ბი­ნა და კარ­გი სა­ნა­ხა­ო­ბა გა­მო­სუ­ლი­ყო, ეს ყვე­ლა­ფე­რი ჩვენ­გან რო­გორც ფი­ზი­კურ, ისე ფსი­ქო­ლო­გი­ურ მზა­ო­ბას მო­ითხ­ოვ­და. გვი­ხა­რი­ა, რომ შრო­მა დაგ­ვი­ფას­და. ჟი­უ­რიმ ჩვე­ნი გა­მოს­ვლა მო­ი­წო­ნა, აღ­ნიშ­ნეს, რომ ძა­ლი­ან ლა­მა­ზი სა­ნა­ხა­ო­ბა წარ­მო­ვად­გი­ნეთ. ასე­ვე ძა­ლი­ან სა­სი­ა­მოვ­ნო იყო, რომ მთელ­მა დარ­ბაზ­მა ერ­თხმად გვითხ­რა "კი".

-  შე­სარ­ჩევ ტურ­ში მარ­თლაც საკ­მა­ოდ ეფექ­ტუ­რი და ლა­მა­ზი ნო­მე­რი წა­რმოად­გი­ნეთ, ნა­ხე­ვარ­ფი­ნა­ლის­თვის რას ჰპირ­დე­ბით მა­ყუ­რე­ბელს?

-  ნა­ხე­ვარ­ფი­ნა­ლის­თვის სი­ურ­პრი­ზის გა­კე­თე­ბას ვგეგ­მავთ. მა­ყუ­რე­ბელს კი­დევ უფ­რო ექ­სტრე­მა­ლურ სა­ნა­ხა­ო­ბას ვპირ­დე­ბით. ძა­ლი­ან ბევრს ვმუ­შა­ობთ ამ ნო­მერ­ზე და ვფიქ­რობ, ჩვე­ნი შრო­მა ისევ და­ფას­დე­ბა.

-  "შავ­ფა­როს­ნებ­ში" სა­ი­დან აღ­მოჩ­ნდი და ხევ­სუ­რუ­ლი ფა­რი­კა­ო­ბის შეს­წა­ვ­ლა რა­ტომ გა­დაწყ­ვი­ტე?

-  ჩე­მი "შავ­ფა­როს­ნებ­ში" მოხ­ვედ­რა მე­უღ­ლის, ნი­კო­ლოზ მურ­მა­ნიშ­ვი­ლის დამ­სა­ხუ­რე­ბა­ა, რო­მე­ლიც უკ­ვე მრა­ვა­ლი წე­ლია "შავ­ფა­როს­ნე­ბის" მებ­რძო­ლი­ა. შარ­შან "შავ­ფა­როს­ნე­ბი" იტა­ლი­ა­ში მი­იწ­ვი­ეს, რო­მის და­არ­სე­ბი­სად­მი მიძღ­ვნილ ფეს­ტი­ვალ­ზე "ა­ტა­ლე დი რო­მა", სა­დაც სა­ქარ­თვე­ლოს საბ­რძო­ლო ის­ტო­რია და ქარ­თუ­ლი კულ­ტუ­რა უნ­და წა­რედ­გი­ნათ. ამ ფეს­ტი­ვალ­ზე იმ ქვეყ­ნებს იწ­ვე­ვენ, რომ­ლებ­თა­ნაც რო­მის იმ­პე­რი­ას ის­ტო­რი­უ­ლი კავ­ში­რი ჰქონ­და და რად­გან არ­სე­ბობს გად­მო­ცე­მა, რომ სა­ქარ­თვე­ლო­ში შე­მოჭ­რილ პომ­პე­უსს მა­მა­კა­ცებ­თან ერ­თად, ქარ­თვე­ლი ქა­ლე­ბიც მედ­გრად ებ­რძოდ­ნენ, "შავ­ფა­როს­ნებ­მა" გა­დაწყ­ვი­ტეს, რო­მის­თვის ქარ­თვე­ლი მებ­რძო­ლი ქა­ლის სა­ხე ეჩ­ვე­ნე­ბი­ნათ. სწო­რედ მა­შინ და­ვიწყე ჩემს მე­უღ­ლეს­თან ერ­თად ვარ­ჯი­ში, ფა­რი­კა­ო­ბა შე­ვის­წავ­ლე და მას შემ­დეგ ნი­კო­ლოზ­თან ერ­თად გა­მოვ­დი­ვარ "შავ­ფა­როს­ნე­ბის" ყვე­ლა წარ­მოდ­გე­ნა­ზე. ხალ­ხი მებ­რძო­ლი გო­გოს და­ნახ­ვას მო­წო­ნე­ბით ხვდე­ბა და ეს ჩემ­თვის ძა­ლი­ან სა­სი­ა­მოვ­ნო­ა. მა­თი ამ­გვა­რი და­მო­კი­დე­ბუ­ლე­ბა მი­ბიძ­გებს, მე­ტი ვი­მუ­შაო და საბ­რძო­ლო ტექ­ნი­კა უფ­რო დავ­ხვე­წო. ქარ­თუ­ლი საბ­რძო­ლო ხე­ლოვ­ნე­ბა ხომ სა­ქარ­თვე­ლოს ის­ტო­რი­ისა და ქარ­თუ­ლი კულ­ტუ­რის გა­ნუ­ყო­ფე­ლი ნა­წი­ლი­ა, მას ყვე­ლამ ერ­თად უნ­და მო­ვუ­ა­როთ და გან­ვა­ვი­თა­როთ.

ესაუბრა მარი ონეზაშვილი

ყოველკვირეული გაზეთი "ყველა სიახლე"

(გამოდის ოთხშაბათობით)