Forbes-მა მსოფლიოს ყველაზე ძვირადღირებული ბრენდები დაასახელა

Apple ჟურნალ Forbes-ის ყველაზე ძვირადღირებული ბრენდების რეიტინგს ლიდერობს. Forbes-ის გამოთვლებით, სავაჭრო ბრენდის ფასი 104,3 მლრდ დოლარს შეადგენს.

რეიტინგის მეორე ადგილზე Microsoft-ია. ბრენდის ღირებულებას ამერიკული ჟურნალის ექსპერტები 56,7 მლრდ დოლარად აფასებენ.

მესამე ადგილი Coca-Cola-ს ერგო, რომლის ღირებულება 54,9 მლრდ დოლარს შეადგენს.

მეოთხე და მეხუთე ადგილები კომპიუტერული ტექნიკისა და პროგრამული უზრუნველყოფის მწარმოებელმა კორპორაცია IBM-მა (50,7 მლრდ დოლარი) და ინტერნეტ საძიებო სისტემა Google-მა (47,3 მლრდ. დოლარი) გაინაწილეს.

მომზადებულია Forbes-ის მიხედვით.