ფილიპინებში ტაიფუნს ფეხმძიმე გადაურჩა და ჯანმრთელი ჩვილი გააჩინა

დამანგრეველმა ტაიფუნმა - "ჰაიანმა" ფილიპინებში 41 პროვინცია დააზარალა. ოფიციალური ინფორმაციით, 10 მილიონი ადამიანი უსახლკაროდ დარჩა, 10 000 კი დაიღუპა. საბედნიეროდ ახალშობილი გოგონა იღბლიანი აღმოჩნდა. 21 წლის ფეხმძიმე ემილი ორტეგა წყალდიდობას გადაურჩა და ტაიფუნისგან ნახევრად დანგრეულ აეროპორტში ჯანმრთელი შვილი გააჩინა.

მშობიარეს გადასარჩენად დაზარალებულ აეროპორტში სახელდახელოდ მოაწყვეს სამედიცინო ცენტრი. ორტეგამ ქალიშვილს დედის პატივსაცემად ბია ჯოი დაარქვა.

"ის ძალიან ლამაზი გოგონაა. დედის სახელი დავარქვი. ბია ჩემი სასწაულია. მეგონა, რომ მოვკვდებოდი. ვერ გადმოგცემთ იმ შიშს, რომელსაც ფეხმძიმე განიცდის, როდესაც უზარმაზარი ტალღები ეჯახება", - ამბობს ემილი.

პირველმა ტალღამ მისი ხის სახლი დატბორა. ტალღა იმდენად ძლიერი იყო, რომ ადამიანები გარეთ გამორიყა. ემილის ქმრის თქმით, ქუჩა რამდენიმე წამში ყორედ იქცა. საბედნიეროდ, მან ფეხმძიმე მეუღლე ნანგრევებში მალე იპოვა. ბავშვი ჯანმრთელია, მაგრამ ექიმების თქმით, ქალს მკურნალობა სჭირდება.

მომზადებულია dailymail.co.uk-ის მიხედვით.