ეშტონ კატჩერი საცოლესთვის ფულს ვერ იმეტებს

ჰოლივუდის ვარსკვლავური წყვილი, ეშტონ კატჩერი და მილა კუნისი ფულის გამო ჩხუბობენ. როგორც წყვილის გარემოცვიდან ანონიმურმა წყარომ ჟურნალისტებს განუცხადა, მილა ხელს არ აწერს საქორწინო კონტრაქტს, რადგან კატჩერის ფინანსური პირობები არ აკმაყოფილებს. კატჩერი კი კონტრაქტის გაფორმების გარეშე მის ცოლად მოყვანას არ აპირებს.

"ეშტონი ცდილობს, საიმედოდ დაიცვას ის სოლიდური სახსრები, რაც თავისი შრომის შედეგად გამოიმუშავა. მილა კი ამაზე თანახმა არაა, ძალიან ნაწყენია, რადგან მოთმინებით ედგა მხარში ეშტონს, როცა ის დემი მურთან სასამართლოში დავობდა", - განაცხადა ინფორმატორმა. მისივე თქმით, მხარეები პოზიციების დათმობას არ აპირებენ, რაც მათ ურთიერთობას რისკის ქვეშ აყენებს.

"მილამ ძლივს ამოისუნთქა შვებით, როცა დემი მურთან ყველაფერი მოგვარდა, ახლა კი ეშტონი  კონტრაქტის გაფორმებას სთხოვს, რაც მილას ქორწინების შეუფერებელ წინაპირობად მიაჩნია", - აცხადებს წყარო.

ინფორმატორი კატჩერის მიდგომასაც ამართლებს, რომელსაც არ სურს ძველი შეცდომების გამეორება.

"ასეთი კონტრაქტი მას დემი მურთანაც რომ გაეფორმებინა, მათი გაყრის პროცესი და ფულზე დავა წლობით არ გაჭიანურდებოდა", - განაცხადა წყვილთან დაახლოებულმა პირმა.

ეშტონ კატჩერი დღეს ყველაზე მაღალანაზღაურებადი ტელემსახიობია. მხოლოდ ბოლო ერთი წლის განმავლობაში მისი ქონება 24 მლნ დოლარით გაიზარდა.

მომზადებულია showbizspy.com-ის მიხედვით.