სოჭის ოლიმპიური თამაშებისთვის რუსეთი თოვლს ისრაელისგან შეიძენს. ინფორმაციას ამის შესახებ ინტერნეტ ტელევიზია Piter.tv ავრცელებს.
გავრცელებული ინფორმაციით, ისრაელის ერთ-ერთი ფირმისგან რუსეთი თოვლის მწარმოებელი სპეციალური მანქანების შეძენას აპირებს, რათა 2014 წლის სოჭის ოლიმპიური თამაშებისთვის თოვლის ნორმალური საფარი უზრუნველყოს.
ამასთან, სპეციალური მანქანების შეძენაზე მოლაპარაკებებისთვის ისრაელში უკვე ჩაფრინდა რუსეთის სათხილამურო ასოციაციის პრეზიდენტი.
ინტერნეტტელევიზიის ცნობით, ბოლო წლებში, გლობალური დათბობის გამო ევროპის ყველა სათხილამურო კურორტი სულ უფრო ხშირად ყიდულობს ისრაელიდან თოვლისმწარმოებელ მანქანებს.