თბილისში ხვალისთვის თოვაა მოსალოდნელი

12 დეკემბერს მთელს საქართველოში თოვლია მოსალოდნელი. როგორც "ინტერპრესნიუსს" გარემოს ეროვნული სააგენტოს გრძელვადიანი პროგნოზების ბიუროს უფროსის მოადგილემ ნინო წვერავამ განუცხადა, დღეს საქართველოში გამოიდარა, თუმცა ღამით ამინდი შეიცვლება.

დასავლეთ საქართველოს უმეტეს და აღმოსავლეთ საქართველოს ზოგიერთ რაიონებში ამაღამ ითოვებს. მაღალმთაში იქნება ქარბუქი.

დღეს ღამით დასავლეთ საქართველოს დაბლობში ჰაერის ტემპერატურა -1;+4; მთაში -7; -2; მაღალმთაში -11; -16 გრადუსი იქნება. აღმოსავლეთ საქართველოს დაბლობში კი -7;-2; მთაში -12;-7; ხოლო მაღალმთაში -17; -12.

ხვალ დასავლეთ საქართველოს დაბლობში ღამით +1;+6; მთაში -2;+3; მაღალმთაში -6;-1 იქნება. აღმოსავლეთ საქართველოს დაბლობში +3; +8; მთაში -3;+2; მაღალმთაში -7;-2. თბილისში ხვალ მცირე თოვლია მოსალოდნელი. ჰაერის ტემპერატურა ღამით -1;+4.

12 დეკემბერს საქართველოს უმეტეს რაიონებში კვლავ თოვაა მოსალოდნელი, მათ შორის - თბილისშიც.

წვერავას თქმით, ყინვიანი და ცვალებადი ამინდები, პერიოდული გამოდარებითა და თოვლის ნალექით 17 დეკემბრამდე შენარჩუნდება. შემდეგ შესაძლოა გამოიდაროს და ამინდი გაუმჯობესდეს.

"ინტერპრესნიუსი"

იხილეთ ასევე:

- დიდთოვლობა აჭარაში: პარალიზებული გადაადგილება, მოგლეჯილი ხეები და ჩამონგრეული სახლი

- დიდთოვლობა, გაუწმენდავი გზები და უშუქოდ დარჩენილი მოსახლეობა - ფოტორეპორტაჟი გურიიდან

- რიკოთის უღელტეხილზე მოძრაობა შეფერხებულია