უკრაინის ოპოზიცია ვიქტორ იანუკოვიჩთან მოლაპარაკებებს დათანხმდა

უკრაინის ოპოზიცია ქვეყნის პრეზიდენტ, ვიქტორ იანუკოვიჩთან მოლაპარაკებებს დათანხმდა. ინფორმაციას უკრაინული მედია ავრცელებს.

ინფორმაციის თანახმად, მრგვალი მაგიდა პრეზიდენტსა და ოპოზიციის ლიდერებს შორის კიევში, უკრაინის სასახლეში გაიმართება.

ვიქტორ იანუკოვიჩმა ოპოზიცია "მრგვალ მაგიდასთან" რამდენიმე დღის წინ მიიწვია. თუმცა, ოპოზიციის განცხადებით, პრეზიდენტთან მოლაპარაკებებს მხოლოდ იმ შემთხვევაში დათანხმდებოდნენ, თუ ხელისუფლება მაიდანზე შეკრებილების მიერ წაყენებულ სამ პირობას შეასრულებდა. ოპოზიცია ასევე აცხადებდა, რომ მოლაპარაკებებში საერთაშორისო ორგანიზაციის წარმომადგენლებსაც უნდა მიეღოთ მონაწილეობა.