პამელა ანდერსონი ყოფილი ქმრის ცოლი გახდა

მსახიობი პამელა ანდეროსი ყოფილ მეუღლეს, კინოპროდუსერ რიკ სალომონს ხელმეორედ გაჰყვა ცოლად. საქველმოქმედო გალა-ვახშამზე, რომელიც ჰაიტიზე მომხდარი მიწისძვრით დაზარალებულთა  დასახმარებლად შონ პენის ფონდმა მოაწყო, 46 წლის ვარსკვლავი საქორწინო ბეჭდით მივიდა.

მოგვიანებით მსახიობმა პორტალ E!Online-ის ჟურნალისტებს დაუდასტურა, რომ მან და სალომონმა გადაწყვიტეს ერთმანეთისთვის კიდევ ერთი შანსი მიეცათ. "ძალიან ბედნიერები ვართ. ჩვენი ოჯახებიც გახარებულნი არიან - ეს ყველაზე მთავარია",-განაცხადა ანდერსონმა.

პამელა ანდერსონი და რიკ სალომონი პირველად 2007 წელს ლას-ვეგასში დაქორწინდნენ. მაშინ მათი ქორწინება მხოლოდ რამდენიმე თვე გაგრძელდა.

მომზადებულია E!Online-ის მიხედვით.