კიმ კარდაშიანი და კენი უესტი თაფლობის თვეს კოსმოსში გაატარებენ

ამერიკელი ტელევარსკვლავის, კიმ კარდაშიანისა და რეპერ კენი უესტის ქორწილი ჯერ არ ყოფილა, მაგრამ წყვილი თაფლობის თვეს უკვე გეგმავს. ვარსკვლავებს მისი გატარება ღია კოსმოსში უნდათ.

წყვილი უკვე დიდი ხანია დანიშნულია, შარშან ივნისში კი ქალიშვილი ნორტი შეეძინათ.

"კენი კოსმოსითაა გატაცებული. მას ამ თემაზე ბევრი ვიდეო აქვს გადაღებული. ახლა კი თაფლობის თვის კოსმოსში გატარება გადაწყვიტა", - ამბობს წყვილის მეგობარი.

რეპერს უნდა, მეუღლე კოსმოსურ სადგურ CSS Skywalker-ზე წაიყვანოს, სადგურს 2015 წლამდე გახსნიან. ამასთან, ახალდაქორწინებულებს სამი თვე ვარჯიში და ერთ ღამეში 2 მლნ დოლარის გადახდა მოუწევთ.  

"კენი ამბობს, რომ თუ სადგურს უფრო ადრე არ გახსნიან, მაშინ ისინი იქ მესამე თაფლობის თვის გასატარებლად გაემგზავრებიან, ხოლო პირველ ორ თაფლობის თვეს სხვა ადგილას აღნიშნავენ",- ამბობს წყვილის ახლობელი.

მომზადებულია starslife.ru-ს მიხედვით.