ენ ჰეთევეი ლამის დაიხრჩო

ჰოლივუდის ვარსკვლავი ენ ჰეთევეი ლამის დაიხრჩო. მსახიობი თავის მეუღლესთან, ადამ შულმანთან ერთად ჰავაის სანაპიროზე იმყოფებოდა, როდესაც წყნარ ოკეანეში მარტომ შეცურა. რამდენიმე წუთის შემდეგ ენმა იგრძნო, რომ ის წყალს მიჰქონდა და ყვირილი და ხელების ქნევა დაიწყო.

მსახიობი შორიახლოს მყოფმა სერფერმა შეამჩნია და ჰეთევეი დახრჩობას გადაარჩინა. შემთხვევის დროს მსახიობმა ფეხი დაიზიანა, რომელიც მოგვიანებით მეუღლემ დაუმუშავა და შეუხვია. ტრავმა სერიოზული არ აღმოჩნდა და სამედიცინო დახმარების გაწევის შემდეგ, წყვილმა პლაჟზე დასვენება განაგრძო.

მომზადებულია  dailymail.co.uk-ის მიხედვით.