ჯესიკა ბილი ვარსკვლავებისა და მათი შვილებისთვის რესტორანს ხსნის

მსახიობმა ჯესიკა ბილმა ძალების მოსინჯვა სარესტორნო ბიზნესში გადაწყვიტა. 31 წლის ვარსკვლავი სანტა-მონიკაში ბავშვების რესტორნის გახსნას გეგმავს, სადაც ცნობილ ადამიანებს შვილებთან ერთად სადილის მომზადების შესაძლებლობა ექნებათ.

რესტორანს მსახიობი Au Fudge-ს დაარქმევს.

"ის Soho House Club-ის მსგავსი იქნება, მაგრამ ბავშვებისთვის. (Soho House Club მედიისა და ხელოვნების წარმომადგენლების დახურული კლუბია. კლუბის ფილიალები მთელ მსოფლიოშია გაფანტული, მათ შორის ლონდონში, ნიუ-იორკში, კალიფორნიასა და ა.შ-ში). აქ ცნობილი ადამიანები ბავშვების მოყვანას შეძლებენ, ამასთან, თავს კომფორტულად იგრძნობენ, საკვებს დააგემოვნებენ და თავად შეძლებენ მათ მომზადებაში მონაწილეობას", - ამბობს ჯესიკა.

მსახიობმა რესტორნისთვის იდეალური ადგილი უკვე იპოვა და ამჟამად ყველა საჭირო დოკუმენტის  გაფორმებითაა დაკავებული.

ბილი ამბობს, რომ იგი სიამოვნებით გახსნიდა საცხობს ან რაიმე ამდაგვარს, მაგრამ სამწუხაროდ ცხობა არ იცის. საკუთარი წარუმატებელი კულინარიულ ექსპერიმენტების შესახებ ჯესიკა ხშირად სოციალურ ქსელში საუბრობს.

მომზადებულია contactmusic.com-ის მიხედვით.