რადიკალმა ისლამისტება სირიაში მუსიკა და მოწევა აკრძალეს

სირიაში მოქმედმა ექსტრემისტულმა დაჯგუფებამ "ერაყისა და ლევანტის ისლამურმა სახელმწიფომ" მის მიერ კონტროლირებად ტერიტორიაზე მოწევა და მუსიკა აკრძალა.

ექსტრემისტებმა სპეციალური ცირკულარი გამოსცეს, რომლითაც მუსიკალური დისკებისა და პლეიერების გაყიდვა, ავტომობილებში, ავტობუსებში, მაღაზიებში და სხვა ადგილებში მუსიკის მოსმენა აიკრძალა. დოკუმენტი განმარტებას შეიცავს, რომელშიც წერია, რომ მუსიკა "ადამიანებს ღვთის თაყვანისცემას" აშორებს.

მეორე განკარგულება კატეგორიულად უკრძალავს სირიის მაცხოვრებლებს სიგარეტისა და ჩილიმის აქსესუარების გაყიდვას. ჩვეულებრივი სიგარეტის მოწევა ასევე ყველგან აკრძალულია.

წარსულში მოძრაობა "თალიბანმა" აკრძალა მუსიკა, ფილმები და ჩილიმი. საკუთარი ქმედება მათაც რელიგიური მოსაზრებებით ახსნეს.

მომზადებულია Agence France-Presse-ის მიხედვით.