უკრაინის ოპოზიციის ლიდერები დღეს ვიქტორ იანუკოვიჩს შეხვდებიან

უკრაინის ოპოზიციის ლიდერები დღეს პრეზიდენტ ვიქტორ იანუკოვიჩს შეხვდებიან, - ამის შესახებ ფრაქცია "ბატკივშინას" ლიდერმა არსენი იაცენიუკმა "ტვიტერში" საკუთარ გვერდზე დაწერა.

"შეხვედრა დანიშნულია. მე, ვიტალი კლიჩკო და ოლეგ ტიაგნიბოკი იანუკოვიჩთან მივდივართ", - წერს იაცენიუკი.

გუშინ ვიქტორ იანუკოვიჩი ვიტალი კლიჩკოს უნდა შეხვედროდა, თუმცა უკრაინის პრეზიდენტმა შეხვედრა, ფაქტობრივად, გააუქმა.