რა თანხა გადაუხადეს ლეონარდო დიკაპრიოს თავის ბოლო ფილმში

კინოეკრანებზე მარტინ სკორსეზეს ახალი ფილმი "უოლ-სტრიტის მგელი" (The Wolf of Wall Street) გამოვიდა, რომელშიც ერთმანეთს პარტნიორობას მსახიობები ლეონარდო დიკაპრიო და ჯონა ჰილი უწევენ; გუშინ ჯონამ ჟურნალისტების შეკითხვას, თუ რა თანხა გადაუხადეს მას და ჰოლივუდის მეგა ვარსკვლავ დიკაპრიოს, გულახდილად უპასუხა.

მისი თქმით, პროდიუსერებმა მისთვის მხოლოდ 60 000 დოლარი გაიმეტეს, ხოლო ლეონარდოს 10 მილიონი დოლარი გადაუხადეს.

"მათ ყველაზე მცირე თანხა მომცეს, რაც კი შეიძლებოდა. თუმცა, მაშინვე დავთანხმდი, რადგანაც მარტინ სკორსეზესთან თანამშრომლობა მინდოდა", - ამბობს ჯონა.

მართალია კონტრაქტითა და ანაზღაურებით უკმაყოფილოა, მაგრამ საოცნებო ჯილდო ახარებს - ის ოსკარზეა წარდგენილი.

მომზადებულია bbc.co.uk-ის მიხედვით.