LIVE: კიევში მომიტინგეებმა ბარიკადების გაფართოება დაიწყეს
ბოლო განახლება:
კიევში მომიტინგეებმა ბარიკადების გაფართოება დაიწყეს. უკრაინული მედიის ინფორმაციით, მაიდანზე შეკრებილებმა ინსტიტუტის ქუჩიდან მეტროსადგურ "კრეშატიკის" ზედა გასასვლელამდე ახალი ბარიკადები აღმართეს.
სამშენებლო მასალად მომიტინგეებმა თოვლით სავსე ტომრები, მეტალის კონსტრუქცია, საგზაო ნიშნები და ბლოკები გამოიყენეს.
დემონსტრანტებმა ღამის განმავლობაში აგროპოლიტიკის სამინისტროს შენობაც დაიკავეს, რომელიც კრეშატიკზე მდებარეობს. მათი განცხადებით, შენობა პერიოდულად გასათბობად სჭირდებათ.
გრუშევსკის ქუჩაზე კი ამ დროისთვის რამდენიმე ასეული მომიტინგე იმყოფება. ისევ იწვის საბურავები, თუმცა არა იმ რაოდენობით, როგორც გუშინ.
ღამის განმავლობაში მომიტინგეებმა ბარიკადები საგრძნობლად გაამაგრეს, რისთვისაც თოვლით სავსე ტომრები გამოიყენეს. გრუშევსკის ქუჩაზე ამ დრომდე სიმშვიდეა. ძალადობრივი ქმედებები არც მომიტინგეების და არც ძალოვანების მხრიდან არ შეინიშნება. შინაგანი ჯარის და "ბერკუტის" კორდონი "დინამოს" სტადიონთან დგას.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
