ბოლივუდის ვარსკვლავს ცეკვისას კარი დაეცა

ბოლივუდის ვარსკვლავი შაჰ რუხ ხანი ახალი ფილმის -"ბედნიერ ახალ წელს" გადაღებებისას დაშავდა.

ინციდენტი საცეკვაო სცენაზე მუშაობისას, 23 იანვარს მოხდა. გადაღებები მუმბაიში, ხუთვარსკვლავიან სასტუმროში მიმდინარეობდა. არსებული ინფორმაციით, მსახიობს კარი დაეცა. შედეგად, შაჰ რუხ ხანმა თავისა და სახის "უმნიშვნელო" ტრავმა მიიღო.

მსახიობი საავადმყოფოში გადაიყვანეს, სადაც აუცილებელი სამედიცინო დახმარება აღმოუჩინეს. მისი ოფიციალური წარმომადგენლის თქმით, ამჟამად მსახიობი თავს კარგად გრძნობს.

მომზადებულია The Hollywood Reporter-ის მიხედვით.