McDonald's-ის თანამშრომელი ჰეროინს "ჰეფი მილებით" ყიდდა

აშშ-ის ქალაქ პიტსბურგის პოლიციამ სწრაფი კვების რესტორან McDonald's-ის თანამშრომელი ჰეროინით ვაჭრობის ბრალდებით დააკავა.

გამოძიების ვერსიით, 26 წლის შანია დენისი ჰეროინს "ჰეფი მილთან" ერთად ყიდდა. იმისთვის, რომ კლიენტებს ჰერიონი შეეძინათ, საჭირო იყო მძღოლებისთვის განკუთვნილ ფანჯარაში შეკვეთა მიეცათ და მოეთხოვათ სათამაშო "ჰეფი მილისთვის". ამის შემდეგ მყიდველი ჰეროინში ფულს იხდიდა და ნარკოტიკს ბავშვების სადილის მუყაოს ყუთით იღებდა.

დენისი პოლიცამ 29 იანვარს დააკავა. სამართალდამცავებმა ჰეროინის 10 დოზა აღმოაჩინეს, რომელიც McDonald's-ის თანამშრომელს "ჰეფი მილის" ყუთებში უკვე გადანაწილებული ჰქონდა. კიდევ 50 დოზა კი პოლიცილებმა მისი ჩხრეკისას იპოვეს.

მომზადებულია Associated Press-ის მიხედვით.